U lansua zyrtarisht kampanja “Voto dhe vëzhgo”

 Dje me 22 tetor 2013 KFOS mbajti konferencën për shtyp ku u lansua zyrtarisht kampanja “Voto dhe Vëzhgo”, me c’rast u prezantua edhe materiali promovoues bashkë me spotin e kësaj kampanje. “Voto dhe Vëzhgo” fton të gjithë qytetarët e Kosovës, të dalin në votim me datë 3 nëntor, të vëzhgojnë dhe të lajmërojnë cdo parregullsi që e shohin në vendvotim. Kjo e ndihmon procesin demokratik të zgjedhjeve dhe është garancë për një të ardhme më të mirë.
KFOS dhe DnV, falenderojnë edhe njëherë të gjithë partnerët, institucional, medial etj të cilët kanë shprehur gatishmërinë e tyre për të kontribuar në këtë kampanjë duke ofruar shërbimet e tyre falas.
Konferenca u përcoll nga një numër i madh i gazetarëve vendor.